شبكة الارشاد التربوي(فلسطين)

شبكة الأرشاد التربوي ( فلسطين )

مطلوب من جميع المرشدين المشاركه في المنتدى لتفعيله على مستوى الوطن
جميع المرشديين التربويين في (مديرية تربية جنين ) وفي الوطن نهدي هذا الجهد المتواضع الى مديرة تربية جنين والله الموفق

أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

صرخة إبن //// المشهد الأول

استعرض الموضوع السابق استعرض الموضوع التالي اذهب الى الأسفل  رسالة [صفحة 1 من اصل 1]

1 صرخة إبن //// المشهد الأول في الجمعة أكتوبر 08, 2010 10:00 pm

عمر الحسن


مرشد تربوي جديد
مرشد تربوي جديد
هذه المشاهد من إعدادي نشرتها في أكثر من موقع
أتمنى أن تنال الإعجاب

صرخة ابن
المشهد الاول
تفتح الستارة على غرفة إدارة مدرسية، المدير جالس على المكتبه هناك بعض اللوحات التي تظهر المكان على انه مدرسة....المدير يمسك سماعة الهاتف يرد على التليفون ، يدق الباب
المدير : تفضل ادخل (واضعا يده على سماعة الهاتف)
يدخل ولي امر الطالب وعلى وجهه علامات الغضب
ابو يوسف: السلام عليكم .. حضرتك المدير
المدير : ( واضعا يده على سماعة الهاتف) نعم تفضل يا اخي وعن اذنك لحظة
المدير على الهاتف: معلش يا عزيزي برجعلك بعد شوي، ويقف المدير ويسلم على القادم
المدير : اهلا وسهلا(ويمد يده للسلام) حياك الله تفضل
ابو يوسف: (مد يده للسلام) اهلا بك حضرة المدير انا ولي امر الطالب يوسف عندكم بالمدرسة
المدير: تشرفنا يا ابو يوسف واهلا وسهلا مرة تانية تفضل اجلس ، احنا كتير بسعدنا زيارة اولياء الامور للمدرسة نتعرف عليهم ويتعرفوا علينا ونخدمهم بعنينا اكيد جاي تطمن على يوسف

ابو يوسف: جاي اشوف شو قصته روحت امبارح من القهوة ما لقيته بالبيت ولما اطلعت قلت لامه خلي يستناني وحضرته ما روحش على البيت
المدير: يعني ما اجى على المدرسة اليوم.... وينادي على الآذن (يا احمد احمد) هسة بنادي الآذن بشوفو بالصف، هو باي صف ابنك
ابو يوسف: والله ما انا اعارف بالتاسع بالعاشر أي هو خلا معي عقل بس اخته قالتلي انه اجى صاحبة اخذ شنطته وانا نايم
وهنا يدخل الآذن (أحمد)
الآذن (احمد) : نعم يا استاذ ناديت عليّ
المدير : نعم بدي تروح تشوف ابن الاخ اجى على المدرسة ولا غايب ، وإذا حاضر خلي يجي وبعدها بتجيب قهوة للاخ
الآذن : حاضر يا استاذ(ويخرج)
المدير: يعني انتا ما شفته من امبارح
ابو يوسف: من ساعة ما طلع امبارح الصبح على المدرسة للهساعة ما شفته
وهنا يدخل الآذن ومعه يوسف
الآذن : لاء هيو جاي ع المدرسة تفضل يوسف
يدخل يوسف وعليه علامة الحيرة والاستغراب ويندهش لرؤية ابيه
يوسف: (بذل وانكسار) السلام عليكم
المدير: اهلا يوسف
الاب: اهلين شرفت يا حضرة الدكتور (بنبرة قوية)
المدير : اهدأ وأنت ما عليك يا ابو يوسف
آه يا يوسف ليش ما روحت على البيت من مبارح الصبح وابوك مشغول باله عليك
يوسفبانكسار) خ....خ.....خ.... لا لا ما في شي يا استاذ
المدير: له يا يوسف معقول طالب شاطر ومؤدب مثلك ما يروح على البيت وهو ما في شي
ابو يوسف: شاطر... مؤدب من وين له اياها الشطارة و الادب........ هذا ااا...
المدير: له يا ابو يوسف مش هيك شوي شوي عليه
ابو يوسف : هذا ما بدو شوي شوي هذا ما بيجي الا بالعصاي مثل الدواب اجلك الله
المدير: ما هو مش معقول تكون الامور هيك خلينا نفخم منه شو صاير
ابو يوسف: (ينهض متجه الى ابنه رافعا يده وينهض المدير مسرعا ويقف حاجز بينهما)
ابو يوسف: هذا ما يفهم بالمليح انا لازم أأدبه واخليه يعرف قيمته ، بهرب خوف ما اشوف شهادته ساعتها ورجيتك نجوم الظهر .

المدير :: حتى لو هيك لازم نفهم منه انت اهدأ وما عليك ( هنا يدخل الاّن محضرا القهوة )
انت تفضلا اشرب قهوتك وهدي اعصابك .
المدير::اه يا يوسف انت اخذت مبارح شهادتك ابوك شافها؟؟
ابو يوسف :: من وين شفتها من انا بحكيلك هرب من البيت.
المدير:: معلش مش اتفقنا انو تهدي حالك وخلي يحكي ، اه يا يوسف احكي شو صار معك مبارح لما اخذت الشهاده.
يوسف:: روحت على البيت وكنت زعلان شوي وشعرت اني متضايق ورحت عند صاحبي وابوي ما كان في البيت زي عوايده على القهوة .
ابو يوسف :: اخرس هالحكي اللي بحكيه زي عوايده قال تأدب .
المدير :: الله يرضى عليك هديلي حالك.
ابو يوسف :: من وين بدي أهدي حالي ما انت شايف ابن ال ... كيف بحكي فوق ما هو ساقط بدروسه وبهرب من البيت بحكي على ابوه ( بصوت عالي)
المدير::لا لا هيك صعب التفاهم ( وينادي على الاّذن ) يا احمد يا احمد.
الاذن: نعم يا استاذ حاضر.
المدير :: ناديلنا على المرشد بسرعه شوي ( ويتجه نحو ابو يوسف) هسة بيجي المرشد وبنحل الموضوع وان شاء الله ما بتكون الا راضي .
ابو يوسف : بصوت عالي) هذا يا استاذ ما بنفع معه حدا هذا بده الكرباج يظل بظهره من شان يتأدب.
(وهنا يدخل المرشد)

دايما بقله اتعلم واقرا وهو بردش شو اعمل فيه بقتله بهري من القتل ولكم يا عمي هذا من دون احساس ( بانفعال شديد)
المرشد:: السلام عليكم ( ويتجه نحو ابو يوسف ويسلم عليه ) كيف حالك ؟؟ اهلا وسهلا بيك .
ابو يوسف :: اهلين يا استاذ اهلين والله اني ضيعت العقل والدين والله مني عارف من وين الله بلاني بهالبلوه .
المرشد :: حاسس انو انت مضايق كثير ممكن تهدا شوي وتحكيلي ايش اللي مضايقك .
ابو يوسف : متضايق قال متضايق مهو اشي بقهر شي بسطح سطح يا استاذ عن ايش بدي احكي ولا احكي هو خلا اشي ينحكى ( وينظر للابن)
يوسف :: انا .... انا......... ما عملت شي .
ابو يوسف :: اخرس اخرس اسكت اسكت احسن لك ولك الك فم يحكي كمان.
المرشد :: معلش احنا هيك مش راح نوصل لنتيجه الافضل انا نقعد احنا وابو يوسف وبنفهم منه شو الحكاية وبعدين بنقعد مع يوسف .
وتغلق الستاره على المشهد الاول.
ارجو ان تنال الاعجاب والى اللقاء في المشهد الثاني

معاينة صفحة البيانات الشخصي للعضو

استعرض الموضوع السابق استعرض الموضوع التالي الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى